Albisteak

Euskadiko gizarte-ekimeneko zentro bereziek desgaitasuna duten pertsonen enpleguari eusten diote, pandemia gorabehera

• Kolektibo horren lana desgaitasuna duten 8.153 pertsonetara iritsi zen 2021ean EHLABEko erakundeetan. • Gainera, 99 enplegu sortu ziren laguntza-premia handienak zituzten pertsonentzat, eta desgaitasuna duten 221 pertsona ohiko lan-merkatuan sartu ziren, haien helburu nagusietako bat. • Horrela, Euskadik du desgaitasuna duten pertsonen langabezia-indizerik txikiena Estatuan: % 16,5; Estatuko batez bestekoa, berriz, % 23,9 da. • Euskadiko gizarte-ekimeneko zentro bereziek 8 euro sortzen dituzte Administraziotik jasotako euro bakoitzeko.

Enplegu inklusiboko Europako plan batek, EHLABEk koordinatua, 2.000 lan-aukera berri sortu ditu desgaitasuna duten pertsonentzat Euskadin

Europako Gizarte Funtsak % 50ean finantzatutako AukerAbility proiektuak 414 lanpostu sortu ditu enplegu-nitxo berrietan, desgaitasuna duten 625 pertsona trebatu ditu eta desgaitasuna duten 973 pertsona euren lanpostuan jarraitzea lortu du, zahartze edo narriadura prozesua pairatzen ari zirela. EHLABEk, Euskadiko Gizarte Ekimeneko Enplegu Bereziko Zentroen Elkarteak, plana garatu du 2014 eta 2020 artean. Planak aukera eta lanpostu berriak sortzen jarraituko du desgaitasuna duten pertsonen kolektiboan.

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika