Albisteak

Gureak eta Elkar enpresek Usurbilen kokatuko dituzte euren jarduera nagusiak

Hutsik dagoen Michelingo lurzoruan kokatuko dituzte Gureak-ek eta Elkar Fundazioak euren jarduera nagusiak, eta egitasmo horri bide ematen dion hirigintza-hitzarmena izenpetu dute gaur goizean Usurbilgo Udalak, Michelinek, Gureak-ek eta Elkar Fundazioak. Xabier Arregi alkateak proiektuaren dimentsioa nabarmendu du: “Inguru degradatu bat oso modu duinean eraberritzera goaz, hirigintza moderno eta jasangarriaren irizpideak aplikatuz”. Gainera, 950 lanpostu inguru birkokatuko dira. Lau erakundeon artean izan den elkarlana goraipatu dute guztiek.

ASIER VITORIA GUREAKEKO ZUZENDARI OROKOR BERRIA

Asier Vitoria Inchausti GUREAKeko zuzendari izendatu berri dute. Urriak 8an ospatu zen administrazio kontseiluan berretsi dute kargua eta bertan izan dira Gureak, Atzegi, Gipuzkoako Foru Aldundia, Ilunion, Kutxa Fundazioa eta Donostiako Udaleko ordezkariak.

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika