LANTEGI BATUAKEN GIZARTE-BALIO INTEGRATUA 207 MILIOI EUROKOA IZAN ZEN 2018 URTEAN

Oct, 2019

Lantegi Batuak enpresak Bizkaian egindako ekarpen ekonomiko eta soziala aztertzen duen eta balioa ematen dion eredu bat erabiltzen du. Gaur aurkeztu ditu horren emaitzak.

Aurkezpen ekitaldian adimen-desgaitasuna duten erakundeko pertsonak izan dira, baita beren senideak eta enpresa eta erakundeetako ordezkariak ere. Sentsibilizazio ekintza baten bidez, azaldu dute zer den kontabilitate soziala eta nola eragin dezakeen Lantegi Batuaken jarduerak gizartean, modu positiboan. Kanpaina www.lantegi.com/valor-social-integrado/eu eta https://youtu.be/iHixwwYsjGA bidez jarrai daiteke.

UPV/EHUrekin eta Deustuko Unibertsitatearekin batera landu da kontabilitate soziala neurtzeko tresna hau. Errentagarritasun eta balioaren inguruko ohiko finantza parametroetatik harago lan egiten du. Ohiko parametro horiek ez dira nahikoak mota honetako erakundeen eragina islatzeko; izan ere, helburu nagusia desgaitasuna duten pertsonentzako lan aukerak sortzea da, eta horrek eragin positibo gehigarri bat dauka pertsona horien eta beren senideen eremu pertsonalean, eta, ondorioz gizarte osoan.

Erakundeak 23 zentro dauzka eta zerbitzu sare zabala eskaintzen du Bizkaian. Zentro horietan 3.000 pertsona baino gehiago aritzen dira, horietatik 2.700ek desgaitasunen bat dutenak. Desgaitasuna duten pertsona horien % 65ek lan-merkatura sartzeko zailtasun bereziak dituzte eta laguntza baliabide gehiago behar dituzte (adimen-desgaitasuna edo gaixotasun mentala duten pertsonak).

Hori dela eta, kontabilitate eredu honek, zuzeneko eta zeharkako balio sozio-ekonomikoaz gain, Lantegi Batuakekin lan egiten duten interes taldeekiko eragina jasotzen du (gizartea, langileak eta beren familiak, administrazioak, industria sarea, eta abar).

Termino kuantitatiboetan, datu esanguratsu batzuk lortu dira:

  • o Lantegi Batuaken balio sozial integratua 207 milioi eurokoa izan zen 2018 urtean.74 milioi euroko fakturazioa izan da (% 85ean sektore pribatuan), eta erakundearen autofinantzaketa indizea % 82koa izan da.
  • o Lantegi Batuak enpresak 16 milioiko diru-laguntza publikoak jaso zituen, eta 47 milioi eurotik gorako itzulkin ekonomikoa ekarri zuen administrazioentzat. Zifra horren barruan daude BEZ eta beste zerga batzuen ordainketak; gainera, kontribuziozkoak ez diren pentsioetan, diru-sarrerak bermatzetako errentetan, osasun zerbitzuetan eta enplegua sustatzeko programetan sortutako aurrezkia nabarmendu behar da, beste batzuen artean.
  • o Industria sareari egindako ekarpena, batez ere bezero eta hornitzaileei dagokienez, erosketen eraginak eta lehiakortasunaren hobekuntzak sortutakoa, 120 milioi eurokoa da.
  • o Familia eremuari dagokionez, Lantegi Batuaken gizarte-balio integratua 49 milioi eurokoa dela estimatu da, honako aspektuei dagokionez, batez ere: Zainketa orduen, mantenuaren eta mediku gastuen aurrezkia, eta diru-sarrerak.
  • o Azken hamar urteetan (2008-2018), Lantegi Batuak enpresak sortutako balio sozio-ekonomikoa 1.500 milioi eurokoa izan zen Bizkaian. Tarte horretan, erakundeak 173,5 milioi jaso zituen diru-laguntza publiko gisa, eta administrazioek itzulkin ekonomiko bat izan zuten, 405 milioi eurotik gorakoa.
  • o Guztira, Lantegi Batuaken enplegu zentro berezietan 2018an inbertitutako euro publiko bakoitzeko 13 euroko itzulkina izan du gizarteak.

Lantegi Batuak Bizkaian

Lantegi Batuak enpresa eta gizartea eraldatzeko tresna garrantzitsu bihurtu da. Desgaitasuna duten pertsonen laneratze eta gizarteratzea lortzeko, ekintzailetza eta berrikuntza ditu ardatz.

Lan aukerak sortzeko, Lantegi Batuak erakundearen zerbitzu eskaintza zabalduz joan da azken urteetan, eta Bizkaiko enpresa-sarea osatzen duten sektoreetara egokituz joan da:

  • • Kanpo industrializazioa: Mekanizatua eta muntaketak, muntaketa elektrikoak, elektronika eta kableatua, manipulatua, logistika integrala. Hainbat sektore ditugu xede: automobilgintza, elektronika, energia berriztagarriak, kontsumo handia, aeronautika eta trenbideak, ekipamendu elektrikoa.
  • • Zerbitzuak: Lorezaintza eta garbiketa, marketina, dokumentuen kudeaketa, autonomia pertsonala, laguntza zerbitzuak. Sektore publiko eta pribatua, egoitzak, industria, ostalaritza eta turismoa.

Lantegi Batuaken barruko enplegua sortzeaz gain, lagundutako enplegu programaren bidez, adimen-desgaitasuna duten 500 pertsona baino gehiago laneratu dira Bizkaiko hainbat enpresatan, eta enplegu egonkorraren aldeko apustua egin da.

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika