Zertara behartzen zaitu legeak, desgaitasunak dituzten pertsonen kontratazioari dagokionez?

1/2013 ELDren 42. artikuluaren arabera, 50 langiletik gora dituzten enpresa publikoak edo pribatuak behartuta daude bere pertsonalaren % 2 gutxienez osatuko duten desgaitasunak dituzten pertsona kopurua kontratatzera.

Ba al dago lege hori betetzeko beste aukerarik?

364/2005 Errege Dekretuaren arabera, aipatutako % 2 betetzera behartuta dauden enpresak betebehar horretatik salbuetsita gelditu daitezke, hurrengo kasu hauetan:

  • Lanbidek, Euskal Enplegu Zerbitzuak, enpresak aurkeztutako desgaitasunak dituzten pertsonentzako eskaintza estali ezin izan duenean.
  • Desgaitasunak dituzten pertsonak enpresaren pertsonalean sartzea zailtzen dituzten arrazoi produktiboak, antolakuntzakoak, teknikoak edo ekonomikoak daudenean. Kasu horretan, Lanbidek enpresa eskatzailea ez diren erakunde publikoen edo pribatuen ziurtagiriak edo txostenak eskatu ahal izango ditu.
  • Estatuko zein azpiko esparru bateko sektore-negoziaketa kolektiboko hitzarmenetan jasotzen denean.

Enpresak legeak eskainitako ordezko neurriak aplikatu ahal izateko, ezinbestekoa da salbuespenezko ziurtagiria aitortuta izatea.

Zer da salbuespenezko ziurtagiria?

Lanbidek egindako ziurtagiri ofiziala da, eta enpresak desgaitasunak dituen pertsonak kontratatu ezin dituela egiaztatzen du aldi baterako; ondorioz, legeak hori betetzeko eskaintzen dituen ordezko 4 neurrietako bat hartuko du.

Zeintzuk dira legeak eskaintzen dituen ordezko neurriak?

  • 1. Enplegu Zentro Bereziarekin edo desgaitasuna duen langile autonomoarekin lehengaien, makineriaren, talde-ondasunen edo enpresaren jardueraren garapenerako beste edozer ondasunen merkataritza-kontratua edo kontratu zibila egitea.
  • 2. Enplegu Zentro Bereziarekin edo desgaitasuna duen langile autonomoarekin enpresaren jardueraren kanpo-zerbitzuak edo osagarriak emateko merkataritza-kontratua edo kontratu zibila egitea.
  • 3. Besteak beste, desgaitasuna duten pertsonen trebakuntza profesionala, lan-txertatzea edo horientzako enplegua sortzea gizarte-helburu duen erabilera publikoko Elkarteari edo Fundazioari diru-donazioa edo babes-ekintza egitea.
  • 4. 290/2004 Errege Dekretuan ezarritakoaren araberako lantokia izatea.


Zer eskaintzen dizugu EHLABEn?

EHLABErekin elkartutako erakundeek desgaitasuna duten langileen kontratazio-legea betetzeko erantzun integrala eskaintzen dizute:

  • Informazioa eta lan-aholkularitza, kontratazio-formula bakoitzak eskaini ditzakeen lege- eta ekonomia-abantailen inguruan.
  • Aukeren bilaketa, postuen analisia eta hautaketa-prozesuak desgaitasuna duten langileentzako, enpresetan.
  • Hautatutako pertsonaren trebakuntza eta segizioa lanpostuan.
  • Zure enpresan ordezko neurriak aplikatu ahal izateko aholkularitza integrala.

Informazio gehiago nahi izanez gero, jarri harremanetan EHLABErekin.

Jarri harremanetan EHLABErekin

Zalantzarik bai?

Jarri harremanetan gurekin

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika