EHLABE

Nor gara

Euskal Herriko Lan Babestuaren Elkartea (EHLABE), Enplegu Bereziko Erakundeek Onura Publikodun gisa aitortutako Elkartea da. Elkarte hori Euskadiko hiru lurralde historikoetako hamabi erakundek osatzen dute:

  • Araban: Indesa eta RAEP
  • Bizkaian: Lantegi Batuak, Taller Usoa Lantegia, Taller Ranzari Lantegia, Talleres Gallarreta, Bidaideak, Bizgorre, Fundación Eragintza eta Apnabi
  • Gipuzkoan: Gureak eta Katea – Legaia.

EHLABEpean, beraz laneko 100 zentrotik gora biltzen dira, erkidego mailan.

EHLABE osatzen duten erakundeek urritasunen bat dutenentzako enplegu-aukerak sortzea dute helburu, gizarteratze eta garapen pertsonal nahiz profesionalaren bidez, eta lana gizarte nahiz laneko parte-hartze tresna gisa baliatuz.
EHLABE osatzen duten erakundeak:

  • erakunde dinamiko eta sustatzaileak dira; merkatuari balio erantsia ematen diote, jarduera lehiakor eta kudeaketa profesionalaren bidez.
  • irabazi asmorik gabekoak dira; lortutako etekin guztia proiektuaren garapenera birbideratzen dute, iraunkortasunaren bila.
  • sarean lan egiten duten erakunde irekiak dira,
  • Administrazio Publikoa erakunde laguntzaile gisa ulertzen dute, Politika Aktiboak garatzeari dagokionez.
  • sektoreko beste eragile batzuk lankide gisa ulertzen dituzte, jarduera garatzeko sinergiak bilatu eta sareak sortuz.

Enplegu-ataria

EHLABEk urritasuna duten pertsonei lana bilatzeko enplegu atari bat dauka.
Une honetan, jende guztiari zerbitzu hobea eskaintzeko asmoz, arlo hau aldatzen ari gara.

AukerAbility

Zer da AukerAbility?

AukerAbility, pertsonen garapena eta urritasuna duten pertsonentzako zuzendutako enplegua sortzeko jarduera berriak bilatzen dituen proiektu bat da.

Nola?

Bi ardatz bidez:

  • Urritasuna duten emakumeen eta gizonentzako prestakuntza, praktikak enpresa arruntetan, pertsonen beharretarako enplegu egokitasuna eta hondatzea saihesteko jarduera martxan jarriz.
  • Urritasuna duten pertsonentzat enplegua sortzea jarduera berriak bidez.

Zeinek hartzen du parte?

Gureak eta Katea Legaia Gipuzkoan, eta Lantegi Batuak eta Usoa Bizkaian.

Nork babesten du proiektu hau?

Europako Gizarte Funtsak proiektuaren %50 finantzatzen du, EAErako 2014-2020 Programa Operatiboaren bidez.


Gazteability

Zer da GazteAbility?

GazteAbility 30 urtetik beherako urritasuna duten pertsonentzako prestakuntza eta lan ibilbidea errazten duen proiektu bat da.

Nola?

Prestakuntza, enplegua eta enplegu praktika bidez.
Se realiza formación, empleo y prácticas en empleo ordinario y empleo protegido.

Zeinek hartzen du parte?

Gureak eta Katea Legaia Gipuzkoan, eta Lantegi Batuak eta Usoa Bizkaian.

Nork babesten du proiektu hau?

Europako Gizarte Funtsak proiektuaren %91,89 finantzatzen du, Gazte Enpleguaren gaineko Ekimena bidez.


Baliabideen Zentro Integrala (CIR)

Zer da?

Baliabideen Zentro Integrala (CIR), EHLABEk zuzentzen duen esperientzia berritzailea da; lan-merkatuan gertatzen diren diskriminazio eta berdintasunik eza bezalako egoerei erantzuna ematea du helburu, urritasunen bat duten pertsonen enplegu-maila hobetze aldera.
CIR proiektuaren bidez erakunde parte-hartzaileen gaitasun nahiz ezagutzen garapen teknologikoa lortu nahi dugu, esperientzia berritzaile eta arrakastatsuen gardentasuna sustatzeko I+G+b programak garatzen diharduten eta urritasunen bat duten pertsonen bizi-kalitatea hobetu nahi duten gainerako eragileen artean.


Nola?

CIR-ren eragiketak proiektuaren ardatz nagusiak diren hiru jarduera-eremuren inguruan egituratzen dira: enplegu-aukerak, garapen pertsonala, eta I+G+b sozial nahiz teknologikoa.

Zeinek hartzen du parte?

Gureak eta Katea Legaia Gipuzkoan, Lantegi Batuak eta Usoa Bizkaian eta Gurea Araba Araban.

Nork babestu du proiektu hau?

CIR Proiektuak Europako nahiz gure inguruko Erakunde garrantzitsuenen laguntza jaso du. Erakunde horiek, izan ere, izaera berritzailea aitortzeaz gain, gizartean izan duen eragin positiboa azpimarratu diote. Zehatzago, Europako Gizarte Funtsak proiektuaren %50 finantzatzen du, EAErako 2007-2013 Programa Operatiboaren bidez. Era beren, ondorengoen lankidetza ere jaso du: Eusko Jaurlaritza, Gipuzkoako Foru Aldundia, Bizkaiko Foru Aldundia, Caja Vital Kutxa eta BBK.

Aholkularitza eta Prestakuntza

EHLABEk, Lanbide eta Europako Gizarte Funtsak (EAErako 2014-2020 Programa Operatiboaren baitan) lagunduta, enplegua bilatzeko tutoretzapeko plan pertsonala eskaintzen du. Zerbitzu horren bidez, baliabide guztiak bateratu eta koordinatzen dira, pertsonen beharrizanei ahalik eta modurik onenean erantzuna emateko.
Lan Aholkularitza zerbitzuan ematen den arreta pertsonalizatuan honakoa adostu daiteke: laneratzeko plan pertsonalaren ezaugarriak, beharrizan zehatzetara egokitutako Prestakuntza Okupazionala, eta eskatzaile bakoitza enplegu-zerbitzuan inskribatzea.

Foroeca

ForoEca 2011n sortu zen, eta Foroa osatzen duten hamaika erakundeen arteko lankidetza-esparrua finkatzea du helburu, honakoa erdiesteko:

  • Lagundutako Enpleguaren metodologia eta erakunde desberdinek egindako lana erakustea, baterako ekintzak garatuaz sustapen, hedapen eta komunikazioari dagokionez.
  • Bitartekari-lanak koordinatzea Euskal Instituzioen eta Euskal Autonomia Erkidegoko enpresa-ehunaren artean.
  • Jarduerak sustatzea prestakuntza, ezagutza eta berrikuntzaren alorrean.

Foro hori CIR proiektuaren baitan barne hartu da, EAEko PO FSE 2007-2013 barruan eta Europako Gizarte Funtsak %50ean finantzatuta.

Elkarteko Enpresak

Gurekin harremanetan jarri

Copyright © 2017 EHLABE.