LANTEGI BATUAK AITZINDARIA IZAN DA COMPLIANCE PENAL ZIURTAGIRIA LORTZEN

Jul, 2020

Lantegi Batuak erakundeak Compliance Penal Kudeaketa Sistemen ziurtagiria jaso du, AENOR erakundeak egindako ikuskaritza baten ostean. Errekonozimendu aitzindaria da enplegu zentro berezien artean, eta Lantegi Batuak erakundeak UNE 19601:2017 araua betetzen duela egiaztatzen du. Era berean, erakundeak administrazio publiko, bezero, pertsona eta familiekiko egiten duen kudeaketaren segurtasun eta konfiantza egiaztatzen ditu.

Compliance Penal ziurtagiriaren bidez, Lantegi Batuak erakundeak delituak hauteman eta prebenitzeko neurriak aplikatzen ditu, arriskuak murriztu eta enpresa-kultura sustatzen du erakundea osatzen duten pertsonen artean. Ziurtagiria emateko ekitaldian, Susana Gorbeñak, Lantegi Batuak erakundeko presidenteak, eskerrak eman nahi izan dizkie parte hartu duten pertsona guztiei, erakundea hobetzeko kudeaketa sistema hau ezartzen laguntzeagatik.

Ziurtagiri hau lortuz, Lantegi Batuak erakundeak beste urrats bat eman du kudeaketa etiko eta arduratsuarekiko etengabeko konpromisoan. Konpromiso hori izan zen 2017an bere Kode Etiko propioa eta Jarduera Arauak ezartzera eraman zuena. Gainera, 2015etik, gardentasun-txostena argitaratzen du urtero.

Lantegi Batuaken Kode Etikoaren barruan 50 arau eta printzipio nagusi daude jasota. Erakundeko pertsona guztiek bete beharrekoak dira. Hori prestatzeko, etika gaietan adituak diren Deustuko Unibertsitateko kide batzuen laguntza izan zen.

Lantegi Batuak osatzen duten pertsona guztien artean behar den moduan txertatzen dela bermatzeko, Irakurketa Errazaren metodoa eta beste prestakuntza tresna batzuk erabili ziren. 2.000 pertsona inguruk parte hartu zuten. Era berean, on-line joko bat eta tribialean oinarritutako beste bat garatu ziren. Konponbide sortzaile eta berritzaile horiek Mundu mailako itun bidez aitortuak izan ziren.

Lantegi Batuak desgaitasuna duten pertsonentzako lan aukerak sortzeko lan egiten duen irabazi asmorik gabeko erakunde pribatu bat da. Gaur egun, 3.000 pertsona baino gehiago dira proiektuko kide. % 80k desgaitasunen bat dute.

Lan aukerak sortzeko asmoz, Lantegi Batuak erakundearen zerbitzu eskaintza dibertsifikatu egin da, eta mila bezerotik gorako zifra lortu du:

  • Industria. Eraldaketa mekanikoko teknologien garapena, mekanizatuak, galdaragintza, soldadura, muntaketa elektrikoak, elektronika eta produkzio eta logistika zerbitzuak, exigentzia maila altuko sektoreetako bezeroentzako konponbideak lortzera bideratuta (energia berriztagarriak, ekipamendu elektrikoetarako ondasunak, automobilgintza eta garraio materiala, kontsumo handia).
  • Zerbitzuak: Lorezaintza eta garbiketa arloko ingurumen-zerbitzuak, bestelako zerbitzu osagarriak, vending, autonomia pertsonalerako laguntza teknikoen alokairua (Laguntek), pertsona nagusientzako etxez etxeko janari-zerbitzua (Etxejan), ostalaritza (Restop), turismoa (BBK Bilbao Good Hostel), dokumentuen digitalizazio eta kudeaketa (Dokudea) edo dokumentuen suntsiketa konfidentziala.

Lantegi Batuaken kudeaketaren oinarria pertsonetan zentratutako balioak, iraunkortasuna eta bikaintasuna dira, bai bezeroenganako zerbitzuetan, bai desgaitasuna duten pertsonei babesa emateko prozesuetan.

Compliance Penal Kudeaketa Sistemen inguruko UNE 19601:2017 Kalitate ziurtagiriez gain, erakundeak hainbat kalitate ziurtagiri ditu, hala nola Kudeaketaren Bikaintasun arloko Urrezko A, ISO 9001 (kalitatea), IATF 16949 (automozioa), ISO 45001 (segurtasuna eta laneko osasuna), ISO 14001 (ingurumen zerbitzuak), eta Aukera Berdintasuna (Emakunde), beste batzuen artean.

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika