Joan den ekainaren 15eko batzarrean eratu zen EHLABEren Zuzendaritza Batzorde berria

Jun, 2021

Atsegin handiz jakinarazten dizuegu, EHLABEren Batzar Orokorra Bergaran 2021eko ekainaren 15ean egin ondoren, Elkarteko Zuzendaritza Batzorde berria eratu zela, honako pertsona hauek osatua:

- Presidentea: Asier Vitoria Inchausti, Gureak

- Idazkaria: Begoña Errazti Esnal, Eragintza Fundazioa

- Diruzaina: Jose Luis Alonso Quilchano, Indesa 2010

Lehenik eta behin, Txema Franco presidentea buru duen Zuzendaritza Batzordeak egindako lana eskertu nahi genuke. Beren lanarekin, gizarte-ekimenetik, desgaitasuna eta ,batez ere, laguntza-premia handienak dituztenena, duten pertsonen enplegua hobetzen lagundu dute, bai eta gure euskal gizarteratze- eta laneratze-eredua erreferente izaten jarrai dezan ere, bai estatuan, bai Europan.

Covid-19ren pandemiak eragindako osasun- eta ekonomia-krisia gorabehera, EHLABEko erakundeek desgaitasuna duten pertsonen enplegu osoari eustea lortu dute 2020. urtean, eta, horrez gain, enpresetan 210 enplegu lagundu berri sortzen lagundu dute. Lan nekeza izan arren, desgaitasuna duten pertsonen lan-egoerak okerrera egiten jarraitzen du gainerako biztanleekin alderatuta.

Beraz, gizarte-ekimenaren sektoreak ahaleginak eta lana areagotu behar ditu, administrazio publikoekin eta euskal gizarteko gainerako eragileekin lankidetzan, EAEn enplegu-politika aktiboak garatzen jarraitzeko, desgaitasunen bat duten pertsonentzako enplegu ireki, inklusibo eta irisgarriko politiken eta programen eredu integratu baten bidez, haien enplegagarritasuna hobetzeko helburuarekin.

Ildo horretan, Zuzendaritza Batzorde berriak eta EHLABEren talde teknikoak erronka handi batzuk ditugu agintaldi berri honetarako, eta horiek lortzeko lana eta lankidetza indartu behar dira desgaitasunaren erakundeekin, administrazio publikoekin, Hirugarren Sektoreko eta Gizarte Ekonomiako gainerako erakundeekin eta gainerako eragile sozial eta ekonomikoekin.

Azken batean, eta ziurgabetasun-garai horiek gorabehera, estuago lan egin behar dugu, desgaitasuna duten emakume eta gizonentzat aukerak sortzen jarraitzeko.


Jaso ezazue agur bero bat,

Asier Vitoria Inchausti

EHLABEko Presidentea

Webgune honek gure cookie-ak eta hirugarrenenak erabiltzen ditu zure nabigazio egokitzeko eta analitika lanak egiteko. Jarraituz gero, ulertzen dugu erabilera onartzen duzula. Cookie-en politika