Ehlabe

MARTXAN DAUDEN PROIEKTUAK

CIR Baliabideen Zentro Integrala

Helburua

Proiektuaren helburu orokorra pertsona desgaituak merkatuak eskatzen dituen lanbide profilen eskaintzara sartzeada, banakako laguntza emateko ikuspuntu eta metodologia berritzaileak garatuz. Sistema horiek, alde batetik, enplegua bilatzeko prozesuan sortutako behar pertsonalei eta laguntza beharrei, eta bestetik, enplegu zentro integralek berriro orientatzeko dituzten beharrei erantzungo diete, deslokalizazioaren eragina Euskadiko pertsona desgaituentzako lan aukerei eusteko edo lan aukera berriak sortzeko jarduera eremu berrien garapenarekin orekatzeko.

Lan merkatuaren errealitate horretatik abiatuta, EHLABEk eta bertako kideek (Gureak Lantegi Babestuak, Lantegi Batuak Fundazioa, Katea-Legaia SLL, Usoa Lantegia) Baliabideen Zentro Integrala jarri dute martxan EAEn 2007-2013 denboraldirako, Europako Gizarte Funtsaren Programa Operatibo barruan eta %50a finantzatuta. Zentroaren helburuak behar hauetan oinarrituko dira:

• EAEko emakume eta gizon desgaituen egokitzapena eta gaikuntza, proiektuaren helburu den taldearen behar bereziei eta lan merkatuaren eskaera aldakorrei erantzutea ahalbidetuko duten laguntzarako teknologia integrala emango duen zerbitzu aitzindari baten bidez.
• Lanpostuak aztertzea eta pertsonen gaitasun profilera egokitzea, bai enplegu zentro berezietan bai ohiko enpleguetan. Egungo gabezia txikitu edo ezabatzea, lehenago aipatutako egokitzapen, moldaketa eta prestakuntza prozesu espezifikoen bitartez. Hori guztia generoaren ikuspegitik begiratuta.
• EAEko pertsona desgaituentzat bereziki egindako gizarte teknologiako ikerketa, garapen eta berrikuntza eremu bat ezartzea.