Ehlabe

ENPRESAK - INSTITUZIOAK

Enpresak

Pertsona desgaituen enpleguko problematikaren ikuspegi integralari esker hainbat urtetan lortutako emaitza ezin hobeak direla eta, EHLABEk esperientzia handiarekin ematen ditu kontrataziorako aholkuak.

Kontrataziorako aholkularitza eta orientazioa

Enplegu zentro berezietako arduradunek kontratatzeko moduari buruzko informazioa ematen diete enpresei:

• Modu aktiboan, enpresaz enpresa, pertsona desgaituentzako enplegu aukerak bilatuz.
• Bisitaldi informatzaileak eginez enpresetara, enpresa elkarteetara eta erakunde publikoetara.
• Kontratu egokienen berri emanez.
• Kontrataziorako diru laguntzei eta bestelako laguntzei buruzko aholkuak emanez.

EHLABEk pertsona desgaituak ohiko lan merkatuan txertatzera zuzendutako programak garatzen ditu. Enplegu aukera bilatzaileek eta lanpostuko prestakuntzarako prestatzaileek osatutako giza baliabideen unitateek enpresariarentzako eta langile desgaituarentzako laguntza metodologia integrala erabiltzen dute, langilea enpresan sartzeko fase guztietara egokituko dela bermatuz: aukeren bilaketa, lanpostuko prestakuntza eta epe luzerako ondorengo jarraipena. Bide hori bi formula hauen bidez gauzatzen da:

• Lan taldeak ohiko enpresetan: EHLABEko erakundeek kontratatutako pertsona desgaituak dira, bi enpresen artean aurretik adostutako zerbitzua ematen dutenak. Formula honi esker, enpresariek pertsona desgaituen ahalmenak ezagutzen dituzte eta, horrela, langile desgaituak enpresara igarotzean arrakasta izatea errazten da.
• Ohiko enpresetara zuzenean sartzea, EHLABE erakundeek ematen dituzten egiturazko laguntzekin.

Lanpostuko prestakuntza

Laneko prestatzailea lanpostuko prestakuntza programa bat in situ martxan jartzeaz arduratzen da.

Laneko prestatzaileak, lanpostua behatu eta erabiltzailearen profilaren ezaugarriak ezagutu ondoren, kasu bakoitzean nabarmendu beharreko zeregin eta ekintzak identifikatzen ditu, ikasketa estrategia egokienak aplikatuz:

• Autonomia lanpostuko funtzio eta zereginetan.
• Lanpostuko tresna eta makinen ezagutza.
• Lanpostuak eskatzen dituen gizarteko eta komunikaziorako gaitasunak.
• Lanpostuaren orientazioa espazioan eta denboran.
• Autonomia lanpostua lortzerakoan.
• Lanposturako norberarenganako konfiantzari eta motibazioari eustea.

Jarraipena

Langileak bere zereginak egiterakoan autonomia izatea ahalbidetzen duen prestakuntza trinkoaren ondoren, ekintza planak epe luzera jarraipen iraunkorra egitea ezartzen du, langile desgaituak bere lanpostuan izan ditzakeen arazoak konpontzeko. Kasu honetan ere, beharrezkoa izango da laneko prestatzailea, pertsonen eta laneko jardueraren arteko beharrezko doikuntzak egiten lagunduko baitu. Hau da, erakundeek, prestakuntza trinkoa amaitu ondoren ere, laguntza ematen jarraitzen dute, laguntza hori beharrezko elementua baita pertsona desgaituen laneratzean.

Beraz, adimen urritasuna duten pertsonen familiako ordezkariekin elkarrizketa pertsonal ugari egiteaz gain, proiektu adjudikaziodunek harreman estuak izan dituzte eskatzaile askoren jatorri diren lanbide prestakuntzako zentroekin eta osasun mentaleko zentroekin, buruko nahasmendua duten pertsonen enplegu aukerak zein diren ikusteko.